Tetun: MINISTRU ADMINISTRASAUN ESTATAL FO PARABÉNS BA POVU AILEU HODI KOMEMORA LORON KRIASAUN KONSELLU AILEU

S.E. Ministru Administrasaun Estatal, Sr. Miguel Pereira de Carvalho, sai hanesan Inpsetor ba Serimónia de Içar da Bandeira iha Komemorasaun Aniversário Municipiu Aileu ba dala-49 ne'ebé realiza iha kampu sabraka laran Munisipiu Aileu. Data 01-07-2022. Ministru MAE iha diskursu hateten "Hau hodi Governu Konstituisional nia naran hakarak parabeniza povu tomak iha Munisipiu Aileu, primeiru ba desizaun ne’ebé sira foti hodi deside dia 1 de Julho hanesan loron estabelesimentu Konsellu Aileu. Iha dia 1 de Julho 1973 liu husi desizaun ne’ebé mak fo sai Governu portuguesa iha tempu ne’eba hafahe Aileu, Enkuantu hanesan parte ida husi Dili hodi sai hanesan Konsellu Nasionál. hau kontenti teb-tebes tamba Konsellu kunsultivu Munisipal Aileu ninian deside loron ida ne’e sai hanesan loron ne’ebé mak sira hakarak festeza hamutuk wainhira iha tinan 49 ba kotuk harii Konsellu ida ne’e, hanesan ao longo de periodo ida husi 1975 rezistente iha Aileu hanesan Distritu ida iha tempu indonesia, no kontinua husi aprovasaun lei divisão administativu de teritorio sai hanesan Munisipiu ida kontinua existe nafatin, ida ne’e hau hakarak fo parabens ba populasaun sira tomak liu-liu Administrador Munisipiu no Komisaun Organizadora sira halibur populasaun no komponentes sira hotu-hotu iha Munisipiu Aileu atu selebra, hau hato’o sentidu kontenti husi VII Governu Kontituisional ba inisiativa ida ne’e. Inisiativa ida ne’e importante tebes, ita bele replika mos iha Munisipiu sira seluk iha tempu sira hanesan ne’e ita hare ba ema hotu hotu-hotu laos deit ba Autoridade Lokal, maibe Autoridade Komunitaria sira, populasaun sira, eventu ne’ebé maka wainhira ema partisipa barak iha Aileu senti katak pertensi ba loron historiku no loron importante ida ne’e. Hau husi VII Governu kontituisional nia naran hau hakarak parabeniza sira hotu no kontinua enkoranze ita nia populasaun iha Aileu para iha futuru bele organiza nafatin selebrasaun sira ba loron importante ida ne’e iha forma ida hanesan agora ou diak liu tan". Iha biban ne'e mos S.E. Ministru MAE nudar representa VIII Governu Konstitusional halo Lansamento Dahuluk Programa Mão de Obra Postu Administrativu(PMOPA) 2022 iha Postu Aileu Villa ho objetivu: 1. Kria kampu servisu informal ba komunidade sira hodi kontribu rendimentu finanseira; 2. Melhora kondisaun servisu Postu Administrativu sira; 3. Fo Kbi'it ba Administrasaun Postu hodi bele atende nesesidade urgente sira nebe liga ho higiene; seguransa ambiental, florestal, infrastrutura rural; 4. Kontribui ba dezenvolvimentu Postu Administrativu nebe durante nee ”ladun hetan atensaun”; 5. Kontribui ba rekoperasaun ekonómiku; 6. Kontribui ona ba preparasaun decentralizasaun administrativa; 7. Sai biban ba autoridade postu administrativu pro-ativu liu ba nesesidade prioritoriu sira. Baseia ba polítika no estimasaun husi alokasaun $7,2 milloens iha 2022, estimativa tékniku liu husi Postu Administrativu iha teritoria laran sei realiza atividades hamutuk 3.353 atividade no sei enkarega trabalhadores informal ema 67.059. Serimónia ikus liu maka asinatura plaka iha ambitu Komemorasaun loron Kriasaun Konsellu Aileu husi Administrador Munisipiu Aileu akompaña husi S.E. Ministru MAE, Diretor Jerál Dezenvolvimentu Rural, Komandante PNTL Munisipiu Aileu, Sekretáriu Municipiu Aileu, Administrador Postu, Xefe Suku, no lian nain. Eventu ne'e hetan partisipasaun maximu husi populasaun Aileu inklui Deputado balun, Administrador Munisipiu Aileu, Sekretáriu Municipiu, Komandante PNTL Munisipiu Aileu hamutuk ho Ekipa PNTL Munisipiu Aileu, Amo Paroku, Diretor Jerál Dezenvolvimentu Rural, Diretor Jerál STAE, Diretor Jerál Administrasaun Finansas, Xefe Gabinete Ministru MAE, Sekretáriu Executivu PNDS, Diretora UPCICE, Administrador Postu no Xefe Suku sira, nain Veteranus sira, Lian nain, estudante sira nomos husi groupu arte marcial.

1. REMATA

Medi@MAE_2022